黃心穎和人夫泥鯭行寵物店
泥鯭推住購物車
兩個有商有量
讀者話聽到黃心穎把聲好姣
泥鯭全程做阿四
黃心穎不停問泥鯭意見
泥鯭幫手搬一箱寵物用品,讀者話心穎唔該都冇句。
心穎被自貼社交網的衞衣相出賣
2017年泥鯭向圈外女友求婚成功

去年4月,傳媒踢爆「安心偷食」轟動娛樂圈,許志安火速開記招流淚道歉,之後獲老婆鄭秀文原諒,避走美國的黃心穎潛水8個月後,於12月14日返港在機場爆喊,有傳為復出試水溫,惟事業未有起色之際,耐不住寂寞的黃心穎姣心又起,「安心偷食」還未滿1周年,黃心穎竟再次被捕獲偷會人夫,今次男主角是樂隊RubberBand的鼓手泥鯭(黎萬宏)。

昨日下午3時許,讀者李小姐在海怡工廈的寵物店,見到黃心穎和泥鯭孖咇買寵物用品,李小姐接受電話訪問說:「開頭認唔到黃心穎,只係認到泥鯭,兩個一路行一路睇寵物嘢,又傾買乜,因為店裏面有狗仔吠得好大聲,黃心穎喺度睇狗仔,我趁機行到好埋一齊睇,聽到佢講嘢,先認得佢係黃心穎。」從讀者提供的相片,黃心穎和泥鯭都戴了口罩遮樣,不過,心穎卻被身上的白色衞衣出賣,事關她在社交網貼過着同一件衫的相片,有圖有真相。

李小姐指黃心穎和泥鯭睇狗糧,又睇飲水器:「泥蜢問店員有冇『處方糧』,店員話冇,要喺醫生度買,兩個傾買咩,黃心穎把聲好姣,一路行一路有講有笑,泥鯭負責推車仔,睇佢哋買嘅嘢,似養咗隻新寵物咁,最後黃心穎負責埋單畀錢,離去時泥鯭就搬一箱大紙盒,黃心穎攞住兩袋shopping bag,泥鯭幫佢搬咁多嘢,唔該都冇講一句,明顯係『好朋友』。」

問到兩人有否避忌?李小姐表示:「黃心穎有周圍望人,但泥鯭就警惕低,店裏面客人唔夠10個。佢哋舉動唔親密,但感覺好似情侶咁行街買嘢,呢個組合幾奇怪,人哋係人夫,點解又同人夫行街,兩個大纜都扯唔埋,同安仔嗰時一樣,冇諗到佢哋會一齊行街。我有朋友話泥鯭住將軍澳,見過泥鯭同老婆放狗。」

有「翻版林海峰」之稱的泥鯭,2017年向拍拖多年的圈外女友阿欣求婚成功,在社交網晒求婚戒指放閃,有指兩人於去年結婚,但對私生活低調的泥鯭,卻一直沒有公佈喜訊,真正結婚日期卻是謎。

對於陪黃心穎行寵物店,傳媒致電向泥鯭了解,但電話沒人接聽,短訊亦未回覆。

(資料來源:網上截圖/連結)

LEAVE A REPLY

Please enter your comment!
Please enter your name here