陳山聰今日宣佈快將做爸爸,多了一個身份非常開心。
超聲波照非常清楚!
上年11月,陳山聰與拍拖5年的Apple結婚。

 

今日情人節,娛樂圈有不少好消息掃走武漢肺炎陰霾,最新一位是上年11月新婚的陳山聰。

陳山聰今日在IG報喜,貼上一張錫老婆Apple腹部的相宣佈老婆有咗,他在IG寫道:「我老婆情人節好小會畀驚喜我,不過今年佢送咗份我最想要又好鍾意嘅禮物,感恩上天賜畀我哋一粒小蒜頭。2020我又多一個身份『陳爸』,我會努力好好保護同照顧你同媽媽,希望你可以健康快樂成長,今個情人節我哋一家三口,大家甜甜蜜蜜,身體健康,Happy Valentine’s Day.」他又叫大家不用心急,會在兒童節揭曉BB性別,又開心講crazy runner多了新成員,將來陳山聰應該會培養BB的跑步興趣。

山聰接訪傳媒訪問時,透露與太太看醫生,得知道太太懷孕,他當時很開心,他說:「開心、驚喜、感恩!」第一個反應是既開心又緊張,他續說:「希望BB健健康康,第一次見到嗰張BB相(超聲波相),係會感動!」山聰笑言4月4日兒童日會向外公佈BB性別:「大家估下先啦,仔女都咁鍾意啦!」

現時疫情嚴峻,山聰指太太暫時不會返工:「安全至上,好好養胎,希望大家都能夠打贏這場仗,每個人都健健康康,呢個係我哋嘅心願,我亦都願望BB出世嘅時候,所有事都過晒,咁就最好啦,祝願大家一齊加油,對抗呢個疫情。」

(資料來源:網上截圖/連結)

LEAVE A REPLY

Please enter your comment!
Please enter your name here