A姐話難得放假,好想去賞楓打卡。今年雖然去唔到日本,但其實每年12月至翌年嘅1月中都係香港嘅紅葉季節,而最熱門嘅賞楓地點當然係元朗大棠啦!但A姐嫌大棠人多,又要行少少山路,如果你都有同感,不妨考慮呢個位於大埔烏蛟騰嘅紅葉秘景:九担租。

〈好遊〉香港紅葉季 大埔九担租
〈好遊〉香港紅葉季 大埔九担租

前往方法
1. 喺大埔墟港鐵站外嘅小巴總站,乘坐20R綠色專線小巴到烏蛟騰總站,惟班次疏落,約每小時一班,可參閱時間表
2. 喺大埔墟港鐵站外嘅巴士總站,乘坐275R九巴到烏蛟騰總站,服務時間只限星期日同公眾假期,10-20分鐘一班車
3. 我哋就選擇自駕遊,車可以泊喺村外免費停車場,不過車位唔多,先到先得

〈好遊〉香港紅葉季 大埔九担租

提提你
1. 落車後嘅路程只有10分鐘,亦係平路為主,但都要量力以為。起點有公廁,但沿路無任何士多補給站,所以大家記住自備所需用品
2. 大家記住保持環境清潔,自己垃圾自己帶走,絕對唔可以破壞大自然環境

九担租紅葉
落車後其實已經可以遠眺紅葉,之後往公廁方向行。繞過公廁,行多8分鐘,就會去到賞楓嘅地點啦!

〈好遊〉香港紅葉季 大埔九担租