鄭嘉穎和陳凱琳（Grace）在2018年結婚，婚後至今兩人育有兩個囝囝，一家四口不時在社交網晒幸福，今日鄭嘉穎在社交媒體貼出跟Grace的貼蜜合照慶祝結婚4周年，兩人在照片內的親密互動真係sweet到爆。相中鄭嘉穎穿上深藍色西裝襯白Tee，而Grace則穿上白色吊帶裙，雖只是簡單便服，但俊男美女就已經睇頭十足，何況兩人又互攬、頭貼頭等，更穿上情侶波鞋，真係閃到大家盲晒。
一家四口好幸福。
俊男美女。
咁就拍拖連結婚7年啦。
除了貼相外，鄭嘉穎不忘留言向老婆示愛：「攜手走過第七年，我們已是兩個孩子的爸爸媽媽，七年間，經歷了人生中的歡樂、痛苦，而我們依然彼此相守，沒有七年之癢，只想餘生繼續和你一起牽手。」 其實當年鄭嘉穎和Grace拍拖，曾因為雙方年紀相差廿多年而不被看好，更一度有傳Grace的爸爸也嫌他年紀大，不過現在只見兩人愈來愈恩愛，羨煞旁人。
情侶波鞋外，鞋底仲有心心。
陳凱琳真係成功融化咗老公。
